“Meqa Sığorta”nın xalis mənfəəti 90%-ə yaxın azalıb

Cari ilin I rübünə görə “Meqa Sığorta” ASC-nin rüblük gəlirlərində azalma müşahidə olunub.
Duzxeber.az Valyuta.az-a istiandən xəbər verir ki, ilk rübdə sığorta şirkəti ümumilikdə 7 milyon 570 min 186,82 manat gəlir əldə edib. Ötən ilin eyni dövründə isə bu göstərici 8 milyon 38 min 256,14 manat olub. Bu, illik müqayisədə 468 min 69 manat və ya 5,82% azalma deməkdir.
Əsas əməliyyat gəlirləri də azalıb. Belə ki, cari ilin I rübündə bu göstərici 7 milyon 189 min 535,34 manat təşkil edib ki, bu da ötən ilin müvafiq dövrü ilə müqayisədə 343 min 294 manat və ya 4,56% azalma deməkdir. Ötən ilin eyni dövründə əsas əməliyyat gəlirləri 7 milyon 532 min 829,36 manat olub.
Xərclərdə isə artım qeydə alınıb. Cari ilin ilk rübündə şirkətin xərcləri 7 milyon 415 min 415,52 manat təşkil edib, ötən ilin eyni dövründə isə bu göstərici 6 milyon 604 min 163,71 manat olub. Bu da illik müqayisədə 811 min 251 manat və ya 12,29% artım deməkdir.
Ətraflı
Sığorta şirkətinin əsas əməliyyat xərcləri də yüksəlib. Belə ki, bu ilin I rübündə 4 milyon 347 min 197,79 manat olan bu göstərici ötən ilin eyni dövründə 3 milyon 958 min 546,10 manat olub. Bu isə 388 min 651 manat və ya 9,82% artım deməkdir.
Maliyyə mənfəəti cari ilin I rübündə 154 min 771,30 manat olub, ötən ilin eyni dövründə isə 1 milyon 434 min 92,43 manat təşkil edib. Bu da illik müqayisədə 1 milyon 279 min 321 manat və ya 89,22% azalma deməkdir.
“Meqa Sığorta”da xalis mənfəət də kəskin azalıb. Cari ilin I rübündə şirkət 128 min 817,04 manat xalis mənfəət əldə edib. Ötən ilin eyni dövründə isə bu göstərici 1 milyon 147 min 273,94 manat olub. Bu da illik müqayisədə 1 milyon 18 min 456 manat və ya 88,78% azalma deməkdir.
Cəmi aktivlərdə də azalma müşahidə olunub. Belə ki, cari ilin I rübündə 56 milyon 775 min 415,67 manat olan aktivlər ötən ilin eyni dövründə 57 milyon 347 min 923,97 manat olub. Bu da 572 min 508 manat və ya 1% azalma deməkdir.
Cəmi öhdəliklər isə demək olar ki, dəyişməyib. Cari ilin I rübündə 27 milyon 52 min 181,02 manat olan öhdəliklər ötən ilin eyni dövründə 27 milyon 67 min 946,10 manat olub. Bu da 15 min 765 manat və ya 0,06% azalma deməkdir