Özbəkistan və Yunanıstan əmək miqrasiyası sahəsində əməkdaşlıq üzrə danışıqlar aparır

BAKI, Azərbaycan, 6 iyun.DuzXeber.az bildirir ki, Xarici İşlər Nazirliyindən "trend"- ə verilən məlumata görə , Özbəkistan və Yunanıstan arasında yüksək vəzifəli diplomatik rəsmilər arasında aparılan danışıqlar zamanı miqrasiya və konsulluq məsələləri üzrə əməkdaşlığın genişləndirilməsi məsələləri müzakirə edilib .
Müzakirələr Daşkənddə Özbəkistan xarici işlər nazirinin müavini Olimjon Abdullayev ilə Yunanıstanın Özbəkistandakı səfiri Paraskevi Tzeveleki arasında görüş zamanı baş tutub.
Tərəflər konsulluq və hüquqi məsələlərdə, eləcə də əmək miqrasiyası sahəsində ikitərəfli əməkdaşlığın hazırkı vəziyyəti barədə fikir mübadiləsi aparıb və bu sahələrdə gələcək əməkdaşlıq perspektivlərini nəzərdən keçiriblər
Hər iki tərəf Özbəkistan və Yunanıstan arasında dostluq münasibətlərinin və praktiki əməkdaşlığın davamlı şəkildə inkişaf etdirilməsinə, xüsusən də miqrasiyanın idarə olunması və konsulluq məsələlərinə diqqət yetirməyə sadiq olduqlarını bir daha təsdiqlədilər.
Qarşılıqlı maraq doğuran sahələrdə əməkdaşlığı dəstəkləmək üçün dialoqun davam etdirilməsinin və ikitərəfli mexanizmlərin gücləndirilməsinin vacibliyi qeyd edildi/trend.az