Ermənistanın baş naziri Nikol Paşinyan Avrasiya İqtisadi İttifaqının (Aİİ) yaxın günlərdə keçiriləcək Hökumətlərarası Şurasının iclasında iştirak edəcəyini açıqlayıb.
DuzXeber.az xəbər verir ki, Paşinyan bununla bağlı bildirib ki, Aİİ Hökumətlərarası Şurasının iclası planlaşdırılıb və o da həmin tədbirə qatılacaq.
“Avrasiya İqtisadi İttifaqının Hökumətlərarası Şurasının iclası nəzərdə tutulub. Mən də bu iclasda iştirak edəcəyəm və dediyim kimi, mövcud problemlərlə məşğul olacağıq. Bu işlərlə artıq indi də məşğul oluruq. Aİİ institutlarının fəaliyyəti adi və davamlı prosesdir və biz bu proseslərdə iştirak edəcəyik”, – deyə Ermənistanın baş naziri vurğulayıb.
Paşinyanın açıqlaması Ermənistanın Aİİ çərçivəsində fəaliyyətini davam etdirmək niyyətində olduğunu bir daha nümayiş etdirib.

Paylaş