Bu ölkə yenə qaranlığa büründü

Kubanın Milli Elektrik Sistemində (SEN) yenidən tam elektrik kəsilməsi baş verib.
DuzXeber.az xəbər verir ki, bu barədə Kuba Dövlət Elektrik Şirkəti məlumat yayıb.
Avqustun 3-də yerli vaxtla saat 06:43-də ölkənin milli elektrik şəbəkəsi tamamilə sıradan çıxıb.
Qeyd edək ki, avqustun 1-də elektrik sistemində qismən nasazlıq yaranmışdı. Nəticədə Kubanın qərb və mərkəz bölgələrində bir sıra əyalətlər işıqsız qalmışdı.
İyul ayında milli elektrik şəbəkəsində səkkiz gün ərzində üç dəfə genişmiqyaslı elektrik kəsintisi qeydə alınmışdı.
Kuba hakimiyyəti ölkədəki enerji böhranını ABŞ-ın uzun illərdir tətbiq etdiyi ticarət, iqtisadi və maliyyə məhdudiyyətləri, eləcə də yanacaq təchizatına təsir göstərən sanksiyalarla əlaqələndirir.