Mertsin kreslosu silkələnir - Almaniyada yeni kansler iddiası

Almaniya kansleri Fridrix Mertsin vəzifədə qalma şansının zəif olduğu iddia edilib.
DuzXeber.az xəbər verir ki, bu barədə rusiyalı politoloq Yuri Svetov danışıb.
Onun sözlərinə görə, Almaniya vətəndaşları Mertsi daha çox Ukrayna məsələləri ilə məşğul olmaqda, ölkənin daxili problemlərinə isə kifayət qədər diqqət ayırmamaqda ittiham edirlər.
Politoloq bildirib ki, ictimai rəy sorğularına əsasən, Almaniyanın müdafiə naziri Boris Pistorius ölkənin ən populyar siyasətçilərindən biridir və Mertsi əvəz edə biləcək əsas namizədlərdən sayılır.
Svetovun fikrincə, mümkün namizədlər sırasında Bavariyanın baş naziri Markus Zöder və Şimali Reyn-Vestfaliya əyalətinin baş naziri Hendrik Vüst də yer alır./Adəm/