Yaşıl Teatrın qarşısında konsertə gələnlər kütləvi şəkildə cərimələndi - ŞİKAYƏT

Bakıda yerləşən Yaşıl Teatrın qarşısında konsertə gələn vətəndaşlar qəribə və narazılıq doğuran halla üzləşiblər. BTV-nin yaydığı məlumata görə, konsert izləmək üçün əraziyə gələn sürücülər avtomobillərini saxladıqları yerlərdə əsassız olaraq cərimələniblər.
DuzXeber.az xəbər verir ki, hadisə şahidi olan sürücülərin sözlərinə görə, parklanma xidmətini həyata keçirən şəxslər əvvəlcə onlardan 5-10 manat pul alaraq maşınları həmin yerdə saxlaya biləcəklərini və heç bir cərimə yazılmayacağını bildiriblər. Lakin bir müddət sonra həmin vətəndaşların avtomobillərinə 80 manat və 2 bal cərimə protokollarının yazıldığı məlum olub.
Narazı sakinlər bildiriblər ki, onlardan pul alan şəxslərin hansı səlahiyyətlə bu hərəkəti etdiyi və pulu hansı əsasla aldığı qaranlıq qalır. Vətəndaşlar məsələnin araşdırılmasını və aidiyyəti qurumlardan cavab gözlədiklərini bildiriblər.(nocomment.az)