Yasamal rayonu, H.Zərdabi küçəsi 69 ünvanından keçən diametri 200 mm olan içməli su xəttində qəza baş verib.
DuzXeber.az xəbər verir ki, bununla bağlı İri Şəhərlərin Birləşmiş Su Təchizatı Xidməti məlumat yayıb.
Bildirilib ki, rayon sukanal idarəsinə məlumat daxil olan kimi qəza briqadası hadisə yerinə cəlb olunub.
“Su axıntısının qarşısı alınıb. Hazırda qəzanın aradan qaldırılması işləri həyata keçirilir.
İşlər bitəndən sonra bu barədə əlavə məlumat veriləcək”, - məlumatda deyilir.
