AYNA şefi dayanacaqları kolxoz bazarına çevirib - Süni qiymət artımı...

Azərbaycan Yerüstü Nəqliyyat Agentliyinin rəhbərliyi Bakının ictimai nəqliyyat sistemini daha da rəzil günə qoymaqda davam edir.

Duzxeber.az-ın  Bizimesr.az-a istinad məlumatına görə, tanınmış memar Elçin Əliyev paytaxtda ictimai nəqliyyatın mövcud vəziyyətini kəskin tənqid edib. O bildirib ki, Bakı şəhərində bu günə qədər ictimai nəqliyyatın vahid və aydın hərəkət sxemi formalaşdırılmayıb.

Memarın sözlərinə görə, digər iri paytaxt şəhərlərindən fərqli olaraq, Bakıda sistemli nəqliyyat planlaması mövcud deyil: “Digər iri paytaxt şəhərlərindən fərqli olaraq, Bakıda bu günə qədər ictimai nəqliyyatın hərəkət sxemi yoxdur. Əvəzində isə avtobus dayanacaqları dövlət qurumu tərəfindən biabırçı və vicdansız şəkildə gəlir mənbəyinə çevrilib. Nə böyük rüsvayçılıq!

AYNA məmurları artıq bütün utanc hissini itiriblər…”.



Elçin Əliyev müqayisə üçün Tbilisi və London şəhərlərinin ictimai nəqliyyat sxemlərini paylaşaraq, Bakıda bu sahədə ciddi planlaşdırma boşluğunun olduğunu vurğulayıb.