MMA döyüşçüsünü ayı parçaladı

Kanadada 27 yaşlı hindistanlı MMA döyüşçüsü Xrişikeş Kolot ayının hücumuna məruz qalaraq vəfat edib.
DuzXeber.az xəbər verir ki, bu barədə "CBC News" məlumat yayıb.
Faciəvi hadisə mayın 8-də Saskaçevan əyalətində baş verib. Hindistanın Kerala ştatından olan Xrişikeş Kolot on ildən çoxdur ki, qarışıq döyüş növləri (MMA) ilə məşğul olurdu və UFC-də çıxış etməyi arzulayırdı.
Kolot 2023-cü ildə Kanadaya köçmüş və uran yataqlarının kəşfiyyatı ilə məşğul olan "UraniumX Discovery Corporation" şirkətində texnik kimi çalışırdı.
Mərhumun qardaşının sözlərinə görə, o, yaxın vaxtlarda Vankuverdə boks məşqçisi kimi işə düzəlmişdi və iyun ayında yeni vəzifəsinin icrasına başlamalı idi.