Dövlət Turizm Agentliyi xarici jurnalistlərin, blogerlərin və turizm şirkətlərinin Azərbaycana tanışlıq səfərlərini təşkil edəcək.

Duzxeber.az Yeniavaz.com=a istinadən xəbər verir ki, Agentlik bu məqəsdlə 10 tender müsabiqəsi elan edib.

Tender müsabiqələri çərçivəsində Dövlət Turizm Agentliyi müxtəlif ölkələrdən olan jurnalistlər, blogerlər və turizm şirkətləri üçün tanışlıq səfərlərinin təşkili, eləcə də ölkəmizdə işgüzar tədbirlərin keçirilməsi xidmətlərini satın almağı planlaşdırır.

Bu məqsədlə ümumilikdə 5 milyon 839 min 442 manat 62 qəpik vəsaitin xərclənməsi nəzərdə tutulur.

Qeyd edək ki, tenderlər üzrə ölkələrə ayrılan vəsaitin həcmi belədir:

Qazaxıstan, Özbəkistandan olan iştirakçılar üçün – 684 min 766 manat 28 qəpik;

Türkmənistan, Tacikistan və Qırğızıstandan – 158 min 957 manat 48 qəpik;

Böyük Britaniya və İrlandiyadan – 148 min 835 manat 48 qəpik;

Polşa, Çexiya, Macarıstan və Yunanıstandan – 508 min 382 manat 69 qəpik;

İspaniya, İtaliya və Fransadan – 573 min 671 manat 50 qəpik;

Cənubi Koreya və İsraildən – 474 min 911 manat 96 qəpik;

Rusiya və Belarusiyadan – 728 min 304 manat 20 qəpik;

Çin və Hindistandan – 1 milyon 444 min 897 manat 34 qəpik;

Türkiyədən – 753 min 623 manat 43 qəpik;

Avstriya, İsveçrə və Almaniyadan – 363 min 92 manat 26 qəpik.

Paylaş