Numan Kurtulmuş Azərbaycana gələcək

Türkiyə Böyük Millət Məclisinin (TBMM) sədri Numan Kurtulmuş 23-24 iyun 2026-cı il tarixlərində Bakıda keçiriləcək İslam Əməkdaşlıq Təşkilatı Parlamentlər Birliyinin (İSİPAB) 20-ci Konfransında iştirak etmək məqsədilə Azərbaycana səfər edəcək.

DuzXeber.az xəbər verir ki, Azərbaycan Respublikası Milli Məclisinin ev sahibliyi ilə təşkil olunacaq konfrans çərçivəsində Numan Kurtulmuşun bir sıra mühüm mövzular üzrə çıxış edəcəyi gözlənilir.
Səfər proqramına uyğun olaraq, TBMM sədri konfransda iştirak edən ölkələrin parlament rəhbərləri və beynəlxalq təşkilatların nümayəndələri ilə ikitərəfli görüşlər keçirəcək. Görüşlər zamanı regional və beynəlxalq gündəlikdə yer alan məsələlər, həmçinin parlamentlərarası əməkdaşlığın inkişaf perspektivləri ətrafında fikir mübadiləsinin aparılması nəzərdə tutulur.